السحر .. الحسد .. علوم الطاقة والأبراج كل دي من أكتر الموضوعات المنتشرة في مجتمعنا النهارده، ومفيش تقريبًا بيت مابيطرحش أسئلة من النوع ده

زي مثلًا:

هل في حد "عينه قوية"؟

اتعامل إزاي مع شخص معروف إنه بيحسد؟

ليه ساعات بفكر في حاجة وبمجرد ما أفتح الفيسبوك ألاقيها قدامي؟🫠

هل الجن بيسكنوا البيوت والأماكن؟

إيه حقيقة الأماكن "المسكونة"؟🫨

هل نقدر نمنع الشيطان من الدخول لبيوتنا؟

السحر أخطر ولا الحسد؟

وهل الرقية بتنفع دايمًا؟ وليه في ناس بترقي نفسها و مفيش تحسن ؟

 

السؤال عن العالم ده مش غريب ولا شاذ، لأنه بيخاطب خوف الإنسان من المجهول، ورغبته في فهم ما وراء الظاهر.

ومن هنا بيجي إصدارنا الجديد 

 "لا خوف" الجزء الثالث من سلسلة غرسي .

للكاتبة الدكتورة : شيماء مشرف . 

 

وهو كتاب تربوي تحليلي منضبط، بيقرب الموضوع ده للناس بدون تهويل ولا تهوين، وبيعالج أكثر أبواب الغيب حساسية وتأثيرًا: 

" عالم الجن والشياطين" .

 

الكتاب بيجاوب على مئات الأسئلة المنتشرة، وبيشرح صفاتهم وتكوينهم، وطريقة حياتهم، وتعاملهم مع الإنس، وحدود قدراتهم ونقاط ضعفهم كما ورد في الشرع.👌

 

وبعد كده بيتوسع في تحليل الوسائل اللي بيستعملها إبليس لإضلال الناس في العصر الحديث: زي السحر، والكهانة، والأبراج، وتمائم الطاقة، وبعض الرموز المنتشرة في الإكسسوارات والموضة، وبيوضح ما يصح وما لا يصح منها.

 

وفي النهاية بيقدم منهج متزن للتحصين والعلاج؛ يضبط الرقية الشرعية في إطار علمي منضبط، وبيجمع بينها وبين الطب النفسي والعضوي، وبيحذر من الدجل، وسوء الظن، وتشخيص الأمراض بغير علم.